Elfar Freyr samdi við Randers

Varnarmaðurinn Elfar Freyr Helgason er genginn til liðs við danska úrvalsdeildarfélagið Randers en hann var áður samningslaus.

Elfar Freyr lék síðast með Stabæk í Noregi en var áður á mála hjá AEK í Grikklandi. Hann er uppalinn hjá Breiðabliki en Elfar Freyr er 23 ára gamall.

Samningurinn gildir til loka tímabilsins og var Elfar Freyr ánægður með að fá tækifæri hjá liðinu. „Markmiðið er að spila vel fyrir klúbbinn og þjálfarana, til að eiga möguleika á að fá lengri samning," sagði Elfar á heimasíðu Randers.