Andakílsá rauf 100 laxa múrinn

Andakílsá rauf hundrað laxa múrinn í fyrradag. Þetta kemur fram á vef Stangveiðifélags Reykjavikur.

Veiðimenn sem voru tvær vaktir í lok vikunnar lönduðu 26 löxum á tvær stangir. Sem verður að teljast nokkuð gott.

Samkvæmt vef SVFR er áin vel haldin af laxi og útlitið gott út veiðitímabilið. Enn er nokkrar stangir lausar í ánni.



Andakílsá er þægileg og aðgengileg laxveiðiá í Borgarfirði sem lætur ekki mikið yfir sér enda er hún afar lygn og róleg. Áin er sem einn samfelldur fluguveiðistaður og hefur notið sívaxandi vinsælda veiðimanna sem hana heimsækja.

Áin fellur úr Skorradalsvatni í Andakílsárfossa og liðast þaðan u.þ.b. 8 km löng um sléttlendið niður í Borgarfjörð. Áin skiptist í laxa og silungasvæði og er laxasvæðið um 4 km langt og nær frá Andakílsárfossum niður að brú við þjóðveg. Áin hentar afar vel til fluguveiða og fer það agn mun betur í ánni en nokkurt annað