Mitt versta ár

Fyrir um ári síðan var Rory McIlroy heitasti kylfingur heims. Lék einstakt golf, gerði risasamning við Nike og átti að vera óstöðvandi. Þá fór allt að ganga á afturfótunum.

Síðasta ár hefur verið hreinasta martröð fyrir McIlroy sem hefur engan veginn náð sér á strik á golfvellinum. Þess utan er sambandi hans við tennisstjörnuna Caroline Wozniacki lokið að því er fjölmiðlar segja.

"Þetta er fyrsta árið þar sem ég lendi í vandræðum og stend ekki undir eigin væntingum. Þetta hefur verið miög erfitt. Það mikilvæga er samt að ég hef lært mikið og það mun hjálpa mér," sagði McIlroy.

Kylfingurinn er að fara að taka þátt í móti í Suður-Kóreu. Hann neitaði að ræða samband sitt við Wozniacki á blaðamannafundi fyrir mótið.

"Einkalífið mitt er mitt einkalíf. Ég vil gjarna halda því þannig."