"Heimdellingastælar" komu í veg fyrir afgreiðslu

Þingmenn Sjálfstæðisflokks og Framsóknar komu í veg fyrir að tillaga um þjóðaratkvæðagreiðslu um stjórnarskrárfrumvarpið kæmist á dagskrá alþingis í dag.

Samþykkja þarf tillöguna fyrir fimmtudag í næstu viku ef takast á að koma málinu í þjóðaratkvæðagreiðslu samhliða forsetakosningum. Álfheiður Ingadóttir, varaformaður stjórnskipunarnefndar, sagði í samtali við fréttastofu, að afgreiðslan í dag breytti í engu framgangi málsins.

Meirihluti væri fyrir málinu og sá meirihluti muni koma málinu í gegn á tilsettum tíma - þótt "Heimdellingastælar", eins og hún orðaði það, hafi sett það út af dagskrá í dag.