Frábær flugsýning - myndir

Boðið var upp á 25 flugatriði í lofti á flugsýningunni á Reykjavíkurflugvelli í dag. Meðal annars sveif Catalina tignarlega yfir Reykjavíkurborg áhorfendum til skemmtunar.

Fjöldi fólks lagði leið sína á Reykjavíkurflugvöll í dag til þess að berja flugvélarnar augum auk þess sem hundruðir sóluðu sig í Nauthólsvík, steinsnar frá flugvellinum.

Einn gestanna, Gunnar Hólmsteinn Ársælsson, stjórnmálafræðingur og áhugaljósmyndari, tók myndirnar sem fylgja fréttinni og kann Vísir honum góðar þakkir fyrir.