Mikill samdráttur í bílaumferð á landinu

Umferð á 16 mælistöðvum Vegagerðarinnar í nýliðnum janúar dróst í heild saman um ríflega tíu prósent miðað við sama mánuð fyrir ári.

Þetta er mesti samdráttur milli janúarmánaða frá því að þessi samanburður hófst og minnsta janúarumferð í sjö ár.

Þetta er mun meiri samdráttur en Vegagerðin gerði ráð fyrir. Hann var mestur á Suðurlandi, eða 21 prósent, en minnstur á Norðurlandi, fimm prósent. Akstur um Hvalfjarðargöng dróst saman um 17 prósent , sem jafngildir fækkum um 640 bíla á sólarhring allan mánuðinn. Þetta er mesti samdráttur í göngunum til þessa.