Sjóvá sendir feitan tékka til viðskiptavina

Sjóvá endurgreiðir í dag 381 milljón króna til viðskiptavina Viðskiptavinir í Stofni hjá Sjóvá fá í dag og næstu daga endurgreidda um 381 milljón króna.

Sjóvá endurgreiðir árlega skilvísum og tjónlausum viðskiptavinum sínum hluta tryggingaiðgjalda þeirra sem umbun fyrir góðan árangur á fyrra ári og er þetta í átjánda sinn sem slík endurgreiðsla fer fram.

Í ár fá 19.872 viðskiptavinir feita tékkann svokallaða og mun taka nokkra daga að ljúka endurgreiðslunni. Valdir viðskiptavinir mega búast við heimsókn feita tékkans í bókstaflegri merkingu í dag og næstu daga, en auk þess mun hann renna sér inn um póstlúguna hjá öðrum og koma við í heimabankanum.