Samsung hitar upp fyrir Galaxy SIII

Suður-Kóreski tæknirisinn Samsung opinbera auglýsingu í dag fyrir nýjasta snjallsíma sinn, Samsung Galaxy SIII.

Í myndskeiðinu er í senn dregin upp mynd af nær ótakmörkuðum möguleikum snjallsímans og gert grín að notendum iPhone snjallsímans.

Samsung birti niðurteljara á heimasíðu sinni í síðustu viku. Talið var að fyrirtækið myndi opinbera snjallsímann þegar niðurtalningunni lauk í gærkvöld en svo var ekki - þess í stað birtist auglýsingin.

Samsung hefur háð hatramma baráttu við Apple um yfirráð á snjallsíma markaðinum. Sala á iPhone hefur dregist saman á undanförnum mánuðum. Á sama tíma hefur Samsung aukið markaðshlutdeild sína á snjallsíma markaði í tæp 30%.

Síminn verður formlega kynntur í næstu viku. Talið er að útlit Galaxy SIII verði algjörlega endurhannað og að stýrikerfi hans verði sérsniðið að endurbættum vélbúnaði símans.

Hægt er að sjá auglýsinguna hér fyrir ofan.