Hópreið í aðdraganda landsmóts

Um eitt hundrað hestar og knapar tóku þátt í hópreið í dag en hún var nokkurs konar óformlega setning landsmóts hestamanna sem hefst á félagssvæði Fáks í Víðidal í Reykjavík á morgun.

Umgjörð mótsins þykir afar glæsileg að þessu sinni en um er að ræða einn stærsta íþrótta- og mannlífsviðburð sem haldinn er hér á landi.

Búist er við tíu til fimmtán þúsund gestum, innlendu sem erlendu áhugafólki um íslenska hestinn.

Um 500 knapar tefla gæðingum sínum fram - sá yngsti er 7 ára og sá elsti á sjötugsaldri. Sýnd verða hross í gæðingakeppni, tölti, á kynbótabrautinni og að auki verður keppt í skeiðgreinum.

Hægt er nálgast allar upplýsingar um hér. Þá verður sýnt beint frá úrslitadeginum næstkomandi sunnudag á Vísi og Stöð 2 Sport í opinni dagskrá.