Áminntu Nesskel án ástæðu

Umhverfisstofnun hefur afturkallað áminningu sem var veitt Nesskel vegna tveggja frávika frá starfsleyfi fyrirtækisins. Áminningin var veitt þann 2. apríl á þeim forsendum að fyrirtækið hefði ekki sent stofnuninni staðfestingu eða áætlun um um úrbætur vegna frávikanna.

Kom í ljós að umrædd gögn voru send Umhverfisstofnun í tíma en voru ekki höfð til hliðsjónar við vinnslu málsins vegna mistaka við skráningu. Stofnunin hefur beðið Nesskel velvirðingar á mistökunum. - shá