Meirihluti landsmanna andvígur evrunni

Liðlega helmingur landsmanna, eða 52 prósent, er andvígur því að taka upp evruna sem gjaldmiðil landsins, samkvæmt könnun, sem MMR gerði fyrir Andríki. 28 prósent eru þvi fylgjandi og 20 prósent eru því hvorki fylgjandi né andvíg.

Spurt var: Hversu fylgjandi eða andvígur ert þú því að Ísland taki upp evru, sem gjaldmiðil landsins.

Þessi niðurstaða sýnir breytt viðhorf til evrunnar frá því fyrst eftir hrun, þegar mikill meirihluti landsmanna var fylgjandi því að taka upp evru.