Innlent

Gráösp valin tré ársins

Gráöspin er blendingur milli blæaspar og silfuraspar og nokkuð sjaldgæf hér á landi.
Gráöspin er blendingur milli blæaspar og silfuraspar og nokkuð sjaldgæf hér á landi. Mynd/ Einar gunnarsson
Skógræktarfélag Íslands útnefnir gráösp Tré ársins 2012 við hátíðlega athöfn að Brekkugötu 8 á Akureyri um daginn. Tréð er í eigu Sigríðar Maríu Hammer og Páls Steindórs Steindórssonar.

Gráösp (Populus x canescens) er blendingur milli blæaspar og silfuraspar. Hún er sjaldgæf hér á landi en er notuð sem garð- og borgartré víða í Evrópu, Vestur-Asíu og Suður-Rússlandi. Uppruni trésins við Brekkugerði 8 er á reiki en talið er að það hafi verið gróðursett um miðjan fjórða áratuginn.

Skógræktarfélag Íslands útnefnir árlega Tré ársins í þeim tilgangi að beina sjónum almennings að því gróskumikla starfi sem unnið er um land allt í trjá- og skógrækt og benda á menningarlegt gildi einstakra trjáa um allt land.

Magnús Gunnarsson, formaður Skógræktarfélags Íslands, og Eiríkur Björn Björgvinsson, bæjarstjóri á Akureyri, fluttu ávörp við athöfnina í gær og veitti Magnús þeim Sigríði og Páli viðurkenningu.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið