Ágúst og Lýður Guðmundssynir orðnir aðaleigendur Bakkavarar Þórður Snær Júlíusson skrifar 24. október 2012 06:00 Gerður var nauðasamningur við kröfuhafa Bakkavarar árið 2010. Í honum fólst að bræðurnir gætu eignast aftur hlut í fyrirtækinu ef þeir myndu greiða kröfuhöfum að fullu til baka. Þegar það gekk ekki eftir fengu þeir að kaupa 25 prósenta hlut. Þeir hafa síðan jafnt og þétt bætt við þá eign.FRÉTTABLAÐIÐ/VILHELM Lýður og Ágúst Guðmundssynir, stofnendur Bakkavarar, eru orðnir stærstu einstöku hluthafar félagsins. Samkvæmt heimildum Markaðarins er eignarhluti þeirra nú um 40 prósent. Fyrir hann hafa þeir greitt yfir átta milljarða króna. Greint var frá því í Fréttablaðinu í lok september að bræðurnir væru komnir með um 30 prósenta eignarhlut í Bakkavör eftir að aðilar á þeirra vegum, meðal annars íslensk verðbréfafyrirtæki, hófu að gera innlendum hluthöfum tilboð í hluti þeirra í félaginu. Þá höfðu hluthafar á borð við þrotabú Glitnis og Lífeyrissjóð starfsmanna ríkisins (LSR) selt bræðrunum hlut sinn. Síðan þá hafa aðrir hluthafar, meðal annars Íslandssjóðir (sjóðstýringarfélag í eigu Íslandsbanka), MP banki og minni lífeyrissjóðir, selt Lýð og Ágústi hluti sína. Ferli hafiðÁ aðalfundi Bakkavarar Group í maí síðastliðnum voru samþykktar umtalsverðar breytingar á félaginu. Í þeim fólst meðal annars að kröfuhafar Bakkavarar Group myndu breyta kröfum sínum á félagið í hlutafé í bresku móðurfélagi samstæðunnar, að Bakkavör Group yrði slitið, að bræðurnir myndu fá að kaupa fjórðungshlut í breska félaginu og að hluthafasamkomulag sem tryggði þeim meirihluta stjórnarmanna í Bakkavör yrði fellt úr gildi. Það samkomulag hafði verið í gildi frá því að nauðasamningar Bakkavarar voru samþykktir árið 2010. Greiddu sér níu milljarða í arðFjórðungshlutinn fengu bræðurnir að kaupa á um fjóra milljarða króna. Innra virði Bakkavarar miðað við eigið fé er um 20 milljarðar króna, og því ljóst að bræðurnir greiddu minna en eina krónu fyrir hverja nafnvirðiskrónu. Í kjölfarið hófu þeir mjög markvisst að reyna að kaupa hlutafé annarra hluthafa og buðust til að greiða í reiðufé. Tilboðið á þeim tíma var um 70 aurar á hverja nafnvirðiskrónu. Viðmælendur Markaðarins sem tengjast málinu segja að fjármagnið sem bræðurnir buðu hafi ekki verið lánsfé frá fjármagnsstofnunum. Mikið var því rætt um hvaðan bræðurnir fengu féð. Það ætti þó ekki að koma neinum á óvart að Lýður og Ágúst væru með fé á milli handanna. Fyrir hrun var hollenskt félag í þeirra eigu, Bakkabræður Holding B.V., aðaleigandi fjárfestingafélagsins Existu sem hélt meðal annars á eignarhlut þeirra í Bakkavör auk þess að vera stærsti eigandi Kaupþings. Í skýrslu rannsóknarnefndar Alþingis kom fram að það félag hefði verið á meðal þeirra aðila sem þáðu hæstar arðgreiðslur á uppgangsárunum fyrir hrun. Alls fékk félagið tæpa níu milljarða króna í arðgreiðslur á árunum 2005 til 2007. Bæta duglega við sigBræðrunum varð strax töluvert ágengt. LSR seldi til að mynda sinn hlut í félaginu til þeirra, þó í gegnum þriðja aðila. Þann 27. september síðastliðinn var síðan haldinn hluthafafundur í Bakkavör Group til að slíta félaginu. Þegar kom að honum höfðu bræðurnir þegar tryggt sér rúmlega 30 prósenta hlut. Á meðal þeirra aðila sem höfðu líka selt þeim eignarhlut sinn var þrotabú Glitnis. Verðið sem þeir voru að greiða fyrir hlutina hafði þó farið hægt og bítandi hækkandi og var komið yfir eina krónu fyrir hverja krónu á nafnvirði. Í kjölfar slitanna má ekki lengur stunda viðskipti með „gömlu“ íslensku hlutabréfin í Bakkavör Group án undanþágu Seðlabankans heldur þurfa slík viðskipti að fara fram í Bretlandi og með hluti í breska móðurfélaginu. Áður en það gerðist bættu bræðurnir þó duglega við sig. Þeir keyptu meðal annars hluti Íslandssjóða, MP banka og minni lífeyrissjóða. Verðið sem þeir greiddu fyrir var komið upp í meira en 1,5 krónur á hverja nafnvirðiskrónu. Viðmælendur Markaðarins eru sammála um að meðalverð hafi líklega verið um ein króna fyrir hverja nafnvirðiskrónu. Samkvæmt því hafa bræðurnir greitt um átta milljarða króna fyrir um 40 prósenta hlut sinn. Stærstu einstöku eigendurnirStaðan í Bakkavör er því þannig í dag að bræðurnir eru stærstu einstöku eigendur félagsins með um 40 prósenta hlut. Hópur íslenskra kröfuhafa hefur myndað blokk á móti þeim og er með rúmlega 50 prósenta eignarhlut. Á meðal þeirra sem tilheyra þeirri blokk eru Arion banki (34 prósent), Lífeyrissjóður verzlunarmanna (sjö prósent ) og Gildi lífeyrissjóður (fimm prósent). Auk þess eru Almenni lífeyrissjóðurinn, Sameinaði lífeyrissjóðurinn og Stafir lífeyrissjóður hluti af blokkinni. Afar ólíklegt er talið að þessir aðilar muni selja eignarhlut sinn til bræðranna. Aðrir eigendur eru vogunarsjóðurinn Burlington Loan Management Ltd. Sem hefur eignast alls um fimm prósenta hlut með uppkaupum á kröfum og hlutafé. Þessi sjóður er líka á meðal stærstu eigenda Klakka, sem áður hét Exista, og stærstu kröfuhafa þrotabúa Kaupþings og Glitnis. Heimildir Markaðarins herma að Burlington sjái sér frekar hag í að vinna með Arion banka og lífeyrissjóðunum en bræðrunum. Það sem upp á vantar, um fimm prósent hlutur, er í eigu fyrrum A-hlutabréfaeigenda í Bakkavör. Mest lesið „Þetta er ömurleg staða“ Viðskipti innlent Fokdýr jólagjöf til dætranna reyndist eintóm blekking Neytendur Landsbankinn hagnaðist um 7,9 milljarða á fyrsta ársfjórðungi Viðskipti innlent Mikill samdráttur á pöntunum til kínverskra verksmiðja Viðskipti erlent Kemur til móts við bílaframleiðendur vegna tolla Viðskipti erlent Gervigreindin: Stjórnendur framtíðarinnar verði þjálfarar Atvinnulíf Amazon í samkeppni við SpaceX í geimnum Viðskipti erlent Veiðir hrefnu í sumar og selur kjötið á Íslandi Viðskipti innlent Hætta við að selja hlutina í Olíudreifingu Viðskipti innlent Rannsaka meint samkeppnisbrot Landsvirkjunar Viðskipti innlent Fleiri fréttir „Þetta er ömurleg staða“ Landsbankinn hagnaðist um 7,9 milljarða á fyrsta ársfjórðungi Hætta við að selja hlutina í Olíudreifingu Tap á Vinnslustöðinni og fjárfestingar settar á ís Rannsaka meint samkeppnisbrot Landsvirkjunar Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Sjá meira
Lýður og Ágúst Guðmundssynir, stofnendur Bakkavarar, eru orðnir stærstu einstöku hluthafar félagsins. Samkvæmt heimildum Markaðarins er eignarhluti þeirra nú um 40 prósent. Fyrir hann hafa þeir greitt yfir átta milljarða króna. Greint var frá því í Fréttablaðinu í lok september að bræðurnir væru komnir með um 30 prósenta eignarhlut í Bakkavör eftir að aðilar á þeirra vegum, meðal annars íslensk verðbréfafyrirtæki, hófu að gera innlendum hluthöfum tilboð í hluti þeirra í félaginu. Þá höfðu hluthafar á borð við þrotabú Glitnis og Lífeyrissjóð starfsmanna ríkisins (LSR) selt bræðrunum hlut sinn. Síðan þá hafa aðrir hluthafar, meðal annars Íslandssjóðir (sjóðstýringarfélag í eigu Íslandsbanka), MP banki og minni lífeyrissjóðir, selt Lýð og Ágústi hluti sína. Ferli hafiðÁ aðalfundi Bakkavarar Group í maí síðastliðnum voru samþykktar umtalsverðar breytingar á félaginu. Í þeim fólst meðal annars að kröfuhafar Bakkavarar Group myndu breyta kröfum sínum á félagið í hlutafé í bresku móðurfélagi samstæðunnar, að Bakkavör Group yrði slitið, að bræðurnir myndu fá að kaupa fjórðungshlut í breska félaginu og að hluthafasamkomulag sem tryggði þeim meirihluta stjórnarmanna í Bakkavör yrði fellt úr gildi. Það samkomulag hafði verið í gildi frá því að nauðasamningar Bakkavarar voru samþykktir árið 2010. Greiddu sér níu milljarða í arðFjórðungshlutinn fengu bræðurnir að kaupa á um fjóra milljarða króna. Innra virði Bakkavarar miðað við eigið fé er um 20 milljarðar króna, og því ljóst að bræðurnir greiddu minna en eina krónu fyrir hverja nafnvirðiskrónu. Í kjölfarið hófu þeir mjög markvisst að reyna að kaupa hlutafé annarra hluthafa og buðust til að greiða í reiðufé. Tilboðið á þeim tíma var um 70 aurar á hverja nafnvirðiskrónu. Viðmælendur Markaðarins sem tengjast málinu segja að fjármagnið sem bræðurnir buðu hafi ekki verið lánsfé frá fjármagnsstofnunum. Mikið var því rætt um hvaðan bræðurnir fengu féð. Það ætti þó ekki að koma neinum á óvart að Lýður og Ágúst væru með fé á milli handanna. Fyrir hrun var hollenskt félag í þeirra eigu, Bakkabræður Holding B.V., aðaleigandi fjárfestingafélagsins Existu sem hélt meðal annars á eignarhlut þeirra í Bakkavör auk þess að vera stærsti eigandi Kaupþings. Í skýrslu rannsóknarnefndar Alþingis kom fram að það félag hefði verið á meðal þeirra aðila sem þáðu hæstar arðgreiðslur á uppgangsárunum fyrir hrun. Alls fékk félagið tæpa níu milljarða króna í arðgreiðslur á árunum 2005 til 2007. Bæta duglega við sigBræðrunum varð strax töluvert ágengt. LSR seldi til að mynda sinn hlut í félaginu til þeirra, þó í gegnum þriðja aðila. Þann 27. september síðastliðinn var síðan haldinn hluthafafundur í Bakkavör Group til að slíta félaginu. Þegar kom að honum höfðu bræðurnir þegar tryggt sér rúmlega 30 prósenta hlut. Á meðal þeirra aðila sem höfðu líka selt þeim eignarhlut sinn var þrotabú Glitnis. Verðið sem þeir voru að greiða fyrir hlutina hafði þó farið hægt og bítandi hækkandi og var komið yfir eina krónu fyrir hverja krónu á nafnvirði. Í kjölfar slitanna má ekki lengur stunda viðskipti með „gömlu“ íslensku hlutabréfin í Bakkavör Group án undanþágu Seðlabankans heldur þurfa slík viðskipti að fara fram í Bretlandi og með hluti í breska móðurfélaginu. Áður en það gerðist bættu bræðurnir þó duglega við sig. Þeir keyptu meðal annars hluti Íslandssjóða, MP banka og minni lífeyrissjóða. Verðið sem þeir greiddu fyrir var komið upp í meira en 1,5 krónur á hverja nafnvirðiskrónu. Viðmælendur Markaðarins eru sammála um að meðalverð hafi líklega verið um ein króna fyrir hverja nafnvirðiskrónu. Samkvæmt því hafa bræðurnir greitt um átta milljarða króna fyrir um 40 prósenta hlut sinn. Stærstu einstöku eigendurnirStaðan í Bakkavör er því þannig í dag að bræðurnir eru stærstu einstöku eigendur félagsins með um 40 prósenta hlut. Hópur íslenskra kröfuhafa hefur myndað blokk á móti þeim og er með rúmlega 50 prósenta eignarhlut. Á meðal þeirra sem tilheyra þeirri blokk eru Arion banki (34 prósent), Lífeyrissjóður verzlunarmanna (sjö prósent ) og Gildi lífeyrissjóður (fimm prósent). Auk þess eru Almenni lífeyrissjóðurinn, Sameinaði lífeyrissjóðurinn og Stafir lífeyrissjóður hluti af blokkinni. Afar ólíklegt er talið að þessir aðilar muni selja eignarhlut sinn til bræðranna. Aðrir eigendur eru vogunarsjóðurinn Burlington Loan Management Ltd. Sem hefur eignast alls um fimm prósenta hlut með uppkaupum á kröfum og hlutafé. Þessi sjóður er líka á meðal stærstu eigenda Klakka, sem áður hét Exista, og stærstu kröfuhafa þrotabúa Kaupþings og Glitnis. Heimildir Markaðarins herma að Burlington sjái sér frekar hag í að vinna með Arion banka og lífeyrissjóðunum en bræðrunum. Það sem upp á vantar, um fimm prósent hlutur, er í eigu fyrrum A-hlutabréfaeigenda í Bakkavör.
Mest lesið „Þetta er ömurleg staða“ Viðskipti innlent Fokdýr jólagjöf til dætranna reyndist eintóm blekking Neytendur Landsbankinn hagnaðist um 7,9 milljarða á fyrsta ársfjórðungi Viðskipti innlent Mikill samdráttur á pöntunum til kínverskra verksmiðja Viðskipti erlent Kemur til móts við bílaframleiðendur vegna tolla Viðskipti erlent Gervigreindin: Stjórnendur framtíðarinnar verði þjálfarar Atvinnulíf Amazon í samkeppni við SpaceX í geimnum Viðskipti erlent Veiðir hrefnu í sumar og selur kjötið á Íslandi Viðskipti innlent Hætta við að selja hlutina í Olíudreifingu Viðskipti innlent Rannsaka meint samkeppnisbrot Landsvirkjunar Viðskipti innlent Fleiri fréttir „Þetta er ömurleg staða“ Landsbankinn hagnaðist um 7,9 milljarða á fyrsta ársfjórðungi Hætta við að selja hlutina í Olíudreifingu Tap á Vinnslustöðinni og fjárfestingar settar á ís Rannsaka meint samkeppnisbrot Landsvirkjunar Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Sjá meira