Mótinu í New York frestað um ár

Það verður ekki keppt í New Jersey á næsta ári eins og ráðgert var. Bernie Ecclestone, alráður í Formúlu 1, og Leo Hindery mótshaldari hafa staðfest þetta en undirbúningur vestra er á eftir áætlun.

Kappaksturinn mun þó fara fram ári síðar og verður gert ráð fyrir honum á dagatali Formúlu 1-kappakstursins árið 2014. Nú hefur því opnast pláss fyrir annan kappakstur á dagatali næsta árs.

Ecclestone segist hins vegar ekki vera viss um að nýtt mót verði látið fylla í skarðið. Það gæti því vel farið svo að aðeins nítján mót verði á dagskránni í stað tuttugu eins og í ár. „Þeir áttuðu sig bara of seint," sagði alráðurinn.

Tímabilið á næsta ári hefst því, að öllu óbreyttu í Melbourne í Ástralíu í mars og því lýkur í Brasilíu í lok nóvember.

17. mars - Ástralía

24. mars - Malasía

14. apríl - Kína

21. apríl - Barein

12. maí - Spánn

26. maí - Mónakó

9. júní - Kanada

16. júní - (laus dagsetning)

30. Júní - Bretland

14. júlí - Þýskaland

28. júlí - Ungverjaland

25. ágúst - Belgía

8. september - Ítalía

22. september - Singapúr

6. október - Kórea

13. október - Japan

27. október - Indland

3. nóvember – Abú Dhabi

17. nóvember – Bandaríkin (Austin)

24. nóvember - Brasilía