Skýrsla FBI um Steve Jobs opinberuð

Skýrsla Alríkislögreglunnar í Bandaríkjunum um Steve Jobs hefur nú verið opinberuð. Í vitnisburði trúnaðarvina Jobs kemur fram að tækni frömuðurinn hafi verið ósvífinn og svikull.

Skýrslan var boðuð eftir að Jobs kom til greina sem ráðgjafi Hvíta hússins í alþjóðaviðskipum árið 1991.

Dökk mynd er dregin af persónu Jobs í skýrslunni og fara nánir vinir hans ófögrum orðum um hann. Þar kemur fram að Jobs sé ósvífin og hafi oft á tíðum blekkt félaga sína.

Einnig er sagt að Jobs eigi til með að beygja sannleikann og afskræma raunveruleikann í von um að ná fram markmiðum sínum.

Steve Jobs lést 5. október á síðasta ári. Hann var einn af stofnendum Apple og var stjórnarformaður fyrirtækisins um árabil.