Arion banka hótað dagssektum

Arion banki hefur frest til morgundagsins til þess að breyta skráningu á kennitölum við gjaldeyrisviðskipti ef fjárhæð þeirra er undir 1000 evrum. Bregðist bankinn ekki við þessu mun Persónuvernd leggja dagsektir á bankann vegna málsins. Þetta kemur fram í úrskurði Persónuverndar sem birtur var í dag.

Í úrskurðinum er vísað í fyrri úrskurð Persónuverndar frá síðasta sumri þar sem komist er að þeirri niðurstöðu að bankanum hafi ekki verið heimilt að skrá kennitölu viðskiptavinar sem keypti gjaldeyri fyrir 60 evrur. Í þeim úrskurði var lagt að bankanum að hætta slíkri skráningu.

Í nýjum úrskurði Persónverndar segir að bankinn hafi ekki orðið við þessum tilmælum og því fær bankinn fresti til morgundagsins. Ellegar verða dagssektir lagðar á.