Philippe Girardon kokkar í Perlunni

Árlegur Food&Fun matseðill Perlunnar verður að þessu sinni útbúinn af matreiðslumeistaranum Philippe Girardon. Food&Fun hófst á hlaupársdag 29. febrúar og lýkur sunnudaginn 4. mars.

Philippe Girardon er eigandi og yfirmatreiðslumaður Michelin-stjörnu veitingastaðarins Domaine de Clairefontaine fyrir sunnan Lyon í Frakklandi.

Philippe hefur stjórnað Domaine de Clairefontaine frá árinu 1983. Árið 1997 fékk hann titilinn Meilleur Ouvrier de France (besti fagmaður Frakklands) og árið 1999 var hann valinn framtíðarvon franskrar matreiðslu „Champérard“. Philippe er mikill Íslandsvinur og hefur tekið þátt í að þjálfa flest alla íslenska matreiðslumeistara sem hafa tekið þátt í hinni heimsþekktu Paul Bocuse keppni.



Matseðill Perlunnar á Food&Fun

Humar- og krabbamósaík í sítrónumelis hlaupi, með austurlenskum salathjörtum

Ljós hörpudiskur og tómata crème brûlée með jómfrúarsósu

Steiktur Lambabógur „confit“ með grænmetis-cannelloni og kryddjurtasafa

Croque-monsieur fourme d‘Ambert/Mascarpone

Súkkulaði-Stradivarius með „Pur Caraïbes“ súkkulaði, járnjurtaís og ristaðar hnetur