Helga Margrét vann í Hollandi | Grátlega nálægt Íslandsmetinu

Helga Margrét Þorsteinsdóttir vann glæsilegan sigur í fimmþraut á hollenska meistaramótinu í dag. Helga var þess utan aðeins sex stigum frá Íslandsmeti sínu.

Helga fékk samtals 4.292 stig en hún fékk 4.298 stig er hún setti Íslandsmetið í Tallin fyrir hálfum mánuð. Yvonne van Langen-Wisse frá Hollandi varð önnur með 4.188 stig.

Helga Margrét hljóp 60 metra grindarhlaup á 8,99 sek og fékk fyrir það 916 stig. Hún vann hástökkið með yfirburðum er hún stökk 1,78 metra og fékk 953 stig.

Helga kastaði 14,41 metra í kúluvarpi og fékk 821 stig. Hún stökk svo 5,47 metra í langstökki og 691 stig. Hún fékk svo 911 stig fyrir 800 metra hlaupið.

Glæsilegur árangur hjá Helgu Margréti.