Helgi ætlar að færa landsmönnum Sinalco á ný

Helgi Vilhjálmsson, oftast kenndur við sælgætisgerðina Góu, er að hefja innflutning á Sinalco, gosdrykk sem naut feykilegra vinsælda fyrir einungis fáeinum árum. Hann er búinn að flytja fyrsta gáminn inn en stefnir að því að framleiða drykkinn sjálfur með tíð og tíma. Raunar segir á vef Viðskiptablaðsins að sala á drykknum sé þegar hafin.

„Þetta er búið að vera í loftinu í nokkur ár," segir Helgi í samtali við Vísi. Hann er eiginlega byrjaður. Við erum búnir að fá fyrsta gáminn. Það stóð til að framleiða þetta hér og stendur ennþá til," segir Helgi.

Helgi úilokar ekki að fleiri gosdrykkir verði framleiddir. „Þetta er búið að vera á dagskrá svolítið lengi og svo urðu náttúrlega hörmungar í fjölskyldunni og þá seinkaði á þessu öllu saman," segir Helgi. Helgi bendir á að góðir hlutir gerist hægt og segir að það hafi tekið nokkurn tíma að byggja upp fyrirtækið sitt.