Langá endaði við ellefu hundruð laxa mörkin Garðar Örn Úlfarsson skrifar 27. september 2012 13:25 Trausti Hafliðason veiddi lax á Gilsbreiðunni og tók um leið sér með veiðistaðarskiltið til að koma því hús fyrir veturinn. Mynd / Garðar Örn Úlfarsson Árnefnd Langár á Mýrum lokaði ánni í gær. Veiði sumarsins er 1.049 laxar. Fast að 50 laxar að auki veiddust á tilraunasvæðinu ofan Ármótafljóts og heildarveiðin því nálægt 1.100 löxum. Veður var milt miðað við árstíma þá tvo daga sem árnefndin var við veiðarnar. Fyrri daginn veiddust fimm laxar og þann seinni sex. Þessir fiskar fengust allt frá veiðistað 88 upp á fjalli og niður að fossinum Glanna. Átta laxanna voru veiddir á flugu og þrír á maðk. Mest af veiðinni var smálax en þó fékk formaður árnefndarinnar Jóhann Gunnar Arnarsson, einn tíu punda hæng upp á fjalli. Honum var sleppt. Á mánudag, daginn áður en árnefndin hóf veiðar, komu fimm laxar á land. Þeir voru allir veiddir á maðk. Þess má geta að lokahollin tvö eiga það sameiginlegt að hafa þurft að ferja jeppa í bæinn. Sá fyrri gafst upp á leiðinni upp á fjall og hinn drap á sér þegar vatn kom inn á vélina við Hólmatagl. Stangveiði Mest lesið Fyrsti laxinn kom í Norðurá Veiði Jökla vex sem laxá og bleikjan er bónus Veiði Veiðivísir gefur Veiðikortið á Facebook Veiði Stórbleikjur á Arnarvatnsheiði Veiði Veiðin 2012: „Ár vonbrigðanna" Veiði Fjórtán punda urriði í Galtalæk Veiði Úr sjö í forgjöf í 50 daga veiði Veiði Laxá í Ásum fór á 28 milljónir Veiði Hnýttu tungsten Nobbler fyrir sumarið! Veiði Hreggnasi selur síðsumars veiðileyfi í Hofsá Veiði
Árnefnd Langár á Mýrum lokaði ánni í gær. Veiði sumarsins er 1.049 laxar. Fast að 50 laxar að auki veiddust á tilraunasvæðinu ofan Ármótafljóts og heildarveiðin því nálægt 1.100 löxum. Veður var milt miðað við árstíma þá tvo daga sem árnefndin var við veiðarnar. Fyrri daginn veiddust fimm laxar og þann seinni sex. Þessir fiskar fengust allt frá veiðistað 88 upp á fjalli og niður að fossinum Glanna. Átta laxanna voru veiddir á flugu og þrír á maðk. Mest af veiðinni var smálax en þó fékk formaður árnefndarinnar Jóhann Gunnar Arnarsson, einn tíu punda hæng upp á fjalli. Honum var sleppt. Á mánudag, daginn áður en árnefndin hóf veiðar, komu fimm laxar á land. Þeir voru allir veiddir á maðk. Þess má geta að lokahollin tvö eiga það sameiginlegt að hafa þurft að ferja jeppa í bæinn. Sá fyrri gafst upp á leiðinni upp á fjall og hinn drap á sér þegar vatn kom inn á vélina við Hólmatagl.
Stangveiði Mest lesið Fyrsti laxinn kom í Norðurá Veiði Jökla vex sem laxá og bleikjan er bónus Veiði Veiðivísir gefur Veiðikortið á Facebook Veiði Stórbleikjur á Arnarvatnsheiði Veiði Veiðin 2012: „Ár vonbrigðanna" Veiði Fjórtán punda urriði í Galtalæk Veiði Úr sjö í forgjöf í 50 daga veiði Veiði Laxá í Ásum fór á 28 milljónir Veiði Hnýttu tungsten Nobbler fyrir sumarið! Veiði Hreggnasi selur síðsumars veiðileyfi í Hofsá Veiði