Ragnheiður og Glíma sigruðu í B-úrslitum í ungmennaflokki

Ragnheiður Hrund Ársælsdóttir á Glímu frá Bakkakoti sigraði örugglega í B-úrslitum ungmennaflokks á Landsmótinu í hestaíþróttum í Víðidal í dag með einkunnina 8,70.

Þær Ragnheiður og Glíma voru efstar eftir bæði forkeppni og milliriðla á Landsmótinu í fyrra en þurftu að láta sér lynda 2. sætið í úrslitum. Ragnheiður mun eflaust ekki gefa neitt eftir í A-úrslitum og verður spennandi að fylgjast með þeim Glímu.

Til gamans má geta að Ragnheiður Hrund er eigandi Glímu en einnig á Ragnheiður tvö alsystkini hennar þau Arion og Spá frá Eystra-Fróðholti. Arion og Spá sigruðu bæði í sínum flokkum á Landsmótinu hér í Reykjavík. Þá er Spáefst í 6 vetra flokki hryssna (8,67) og Arion efstur í 5 vetra flokki stóðhesta (8,63)

Elsa Hreggviðsdóttir Mandal fékk gult spjald frá einum dómara fyrir að trufla annan þátttakanda en hún reið í veg fyrir Ragnheiði Hrund á Glímu.

9. Ragnheiður Hrund Ársælsdóttir Glíma frá Bakkakoti 8,66 - 8,68 - 8,72 - 8,76 - 8,68 = 8,70

10. Lilja Ósk Alexandersdóttir Hróður frá Laugabóli 8,42 - 8,60 - 8,58 - 8,62 - 8,66 = 8,58

11. Arna Ýr Guðnadóttir Þróttur frá Fróni 8,50 - 8,48 - 8,60 - 8,50 - 8,58 = 8,53

12. Hjörvar Ágústsson Gára frá Snjallsteinshöfða 8,18 - 8,30 - 8,46 - 8,40 - 8,30 = 8,33

13. Birgitta Bjarnadóttir Blika frá Hjallanesi 8,24 - 8,24 - 8,36 - 8,30 - 8,36 = 8,30

14. Finnur Ingi Sölvason Fursti frá Stóra-Hofi 8,44 - 7,90 - 8,42 - 8,30 - 8,34 = 8,28

15. Elsa Hreggviðsdóttir Mandal Spegill frá Auðsholtshjáleigu 8,10 - 8,22 - 8,42 - 8,38 - 8,18 = 8,26