Frábær hringur hjá Andra Þór og Arnóri Inga

Kylfingarnir Andri Þór Björnsson og Arnór Ingi Finnbjörnsson úr Golfklúbbi Reykjavíkur spiluðu frábærlega á öðrum hringnum á Dixie Amateur golfmótinu í Flórídafylki í gær.

Liðsfélagarnir spiluðu báðir á 68 höggum eða á fjórum höggum undir pari. Andri Þór spilaði fyrsta hringinn á þremur höggum undir bari og er því á sjö höggum undir samanlagt. Hann deilir öðru sætinu með kylfingi frá Texas. Þeir eru þó báðir sex höggum á eftir forystusauðnum Daniel Berger á þrettán höggum undir pari.

Arnór Ingi spilaði fyrsta hringinn á einu höggi yfir pari og er á fjórum undir samanlagt. Hann deilir 12. sætinu með fjórum kylfingum. Stöðuna í mótinu má sjá hér.