Átján leituðu til Stígamóta vegna hópnauðgana

18 einstaklingar leituðu til Stígamóta árið 2011 vegna hópnauðgana. Það er fjölgun frá árinu 2010 en þá voru viðtöl vegna hópnauðgana alls 13. Stígamót kynntu ársskýrslu fyrir árið 2011 fyrir blaðamönnum í morgun. Alls leituðu 169 einstaklingar til Stígamóta vegna nauðgana árið 2011.

Færri leituðu til Stígamóta árið 2011 vegna lyfjanauðgana en árið á undan en þá fóru alls 17 í viðtal vegna þess að þeim hafði byrluð lyf og nauðgað. Hópnauðgunum hefur aftur á móti fjölgað á milli áranna en árið 2010 leituðu 13 einstaklingar til Stígamóta vegna slíkrar nauðgunar en í fyrra hækkaði sú tala upp í 18. Guðrún Jónsdóttir, talskona Stígamóta segir þetta óhuggulega staðreynd.