Ragnar skoraði í sigri FCK

Ragnar Sigurðsson skoraði annað marka FC Kaupmannahafnar sem vann 2-1 heimasigur á Midtjylland í dönsku úrvalsdeildinni í knattspyrnu í dag. Rúrik Gíslason lék einnig allan leikinn með FCK.

Landsliðsmaðurinn kom heimamönnum yfir strax á fjórðu mínútu en heimamenn leiddu í hálfleik 2-0. Gestirnir minnkuðu muninn í síðari hálfleik en komust ekki nær Kaupmannahafnarliðinu.

FCK er eftir leikinn með sex stiga forskot á meistara Nordsjælland á toppi deildarinnar. Þá var Arnór Smárason allan tímann á bekknum hjá Esbjerg sem gerði 2-2 jafntefli á útivelli gegn Bröndby.