Maldonado ætlar sækja stig í fyrsta sinn síðan á Spáni

Pastor Maldonado, ökumaður Wiliams-liðsins, vonast til að sækja stig í singapúrska kappakstrinum á morgun. Hann hefur ekki fengið stig í heimsmeistarabaráttunni síðan hann vann spænska kappaksturinn í maí.

Maldonado mun ræsa annar í kappakstrinum á eftir Lewis Hamilton. Hann hefur hins vegar verið mjög óheppinn og mistækur í mótum ársins. Aðeins í tvö skipti hefur hann sótt stig í ár.

Fyrstu stigin komu kínverska kappakstrinum þegar hann endaði í áttunda sæti og sótti fjögur stig. Hann sigraði svo spænska kappaksturinn með glæsibrag og sótti 25 stig. Með samtals 29 stig er hann í 15. sæti í heimsmeistarakeppninni.

Pastor hefur átt góða spretti í sumar en aldrei getað rekið smiðshöggið á úrslitin. Vélabilanir og ótrúlega misstögðug úrslit hafa gert útslagið.

Brautin í Singapúr hentar Maldonado vel. Hann hefur beinskeittan akstursstíl sem hentar Pirelli-dekkjunum vel á brautinni sem er snúin og ótrúlega hröð.

"Keppnisáætlunin verður að virka vel og maður verður að vera stöðugur í gegnum alla keppnina," sagði Maldonado eftir tímatökuna í dag. "Við vorum að bæta okkur, sérstaklega í tímatökunni og að reyna að laga bílinn að ökustíl mínum. Bíllinn var í náttúrulega góðu jafnvægi, sérstaklega í lotu tvö og þrjú."

Liðsfélagi Maldonado, Bruno Senna, er ekki í eins sterkri stöðu fyrir kappaksturinn í Singapúr. Hann ræsir sautjándi. Senna hefur þó skilað jafnari úrslitum sem, þegar allt kemur til alls, skilar mönnum yfirleitt mun lengra.

Fyrsta beygjan mikilvægLewis Hamilton og liðsstjórar hjá McLaren eru hræddir um að óhapp verði í fyrstu beygju í keppninni á morgun. Beygjan er þröng og leiðir ökumenn strax inn í aðra beygju þar sem bremsað er fyrir þriðju beygjuna.

Ekki minnkar staða Maldonado á ráslínunni áhyggjur McLaren-manna enda hefur Williams-ökuþórinn gert margar heimskulegar skissur í sumar.

Eftirminnilegast og afdrifaríkast var þegar Maldonado þjófstartaði í Belgíu og truflaði aðra ökumenn. Í kjölfarið varð slys í fyrstu beygju þar sem Fernando Alonso, Hamilton og Romain Grosjean urðu allir að hætta keppni. Sá síðast nefndi var dæmur í eins móts bann og keppti ekki á Ítalíu.

"Ég er ánægður fyrir hönd Pastors," sagði Hamilton. "Hann hefur fengið að kenna á því sumar en er augljóslega mjög hæfileikaríkur. Ég vel ekki vera fyrir honum og hann vill örugglega ekki vera fyrir mér."

"Svo framlarlega sem við náum góðri ræsingu ætti allt að ganga vel. Ég er viss um hann er meðvitaður um að hann hefur í kringum sig nokkra ökumenn sem berjast um titilinn. Þetta er spurning um allt eða ekkert. Hann ætti að reyna að ná í stig fyrir liðið sitt," sagði Hamilton.