Hagstæðara fyrir fyrirtækin að leigja bílana en að eiga.

Avis bílaleiga hefur um margra ára skeið rekið öfluga fyrirtækjaþjónustu. Viðskiptavinir bílaleigunnar geta treyst því að Avis er ávallt með gott úrval af nýjum bílum og vinnur stöðugt að því að gera bókun á bílaleigubílum eins aðgengilega og einfalda og kostur er.

Um leið og fyrirtæki hefur gert samning við Avis fær það sérstakan viðskiptastjóra sem sér um að öll bílamál hjá viðkomandi fyrirtæki séu í lagi. Þessi þjónusta er sveigjanleg og áreiðanleg lausn sem leysir þarfir viðkomandi fyrirtækis. Þannig finnum við alltaf bestu lausnina fyrir fyrirtækið hverju sinni.

Það eru margir ótvíræðir kostir við að leigja bíla frekar en að eiga þá. Það fylgir enginn viðhaldskostnaður leigðum bílum né bifreiðagjöld. Ekki þarf að hafa áhyggjur af dekkjaskiptum, tryggingum eða endursöluáhættu bílsins.

Ófeigur Friðriksson og Ólöf Sif Þráinsdóttir eru viðskiptastjórar hjá Avis og er fyrirtækjaþjónusta sérgrein þeirra. Þau segja þarfir fyrirtækja vera eins misjafnar og þau eru mörg. "Hingað koma stór og smá fyrirtæki með ólíkar þarfir þegar kemur að stærðum og gerðum bíla og eins að lengd leigutímans svo eitthvað sé nefnt. Við kappkostum að finna bestu lausnina fyrir hvert og eitt fyrirtæki bæði hratt og vel."

Viðskiptastjórar Avis hafa mikla reynslu og auðvelda fyrirtækjum að sjá bestu kostina. "Það er misjafnt hvort um er að ræða tímabundið söluátak, árstíðabundin störf eða stöðuga keyrslu svo eitthvað sé nefnt. Vetrarleigan eða skólabílarnir þar sem þú leigir bílinn bara yfir vetrarmánuðina hefur einnig verið sérstaklega vinsæl hjá fyrirtækjunum fyrir komandi vetur."

Forgangsþjónusta Avis er þægilegur kostur fyrir þá sem ferðast mikið. Sem meðlimur forgangsþjónustu Avis þarftu einungis að framvísa ökuskírteininu þínu, sækja bíllyklana og aka af stað. Viðskiptavinurinn sleppur því við allar skráningar og biðraðir.

Avis býður upp á leigustöðvar á öllum helstu þéttbýliskjörnum á Íslandi. Það er alltaf verið að skoða möguleikana á því að fjölga leigustöðvunum um landið enn frekar. Viðskiptavinir Avis geta því auðveldlega fengið bíl á einum stað og skilað honum á öðrum.

Bílafloti Avis er stór og nær yfir allan skalann, allt frá litlum umhverfisvænum smábílum upp í stóra jeppa, smárútur og sendiferðabíla.

Til eru fjórar stærðir af sendiferðabílum sem henta fyrirtækjum jafnt sem einstaklingum að leigja.

Leigu tíminn er mjög sveigjanlegur en það er hægt að leigja þessa bíla frá fjórum klukkustundum allt upp í 36 mánuði.

Í þjónustuveri okkar starfar frábært og reynslumikið fólk sem sér um að bóka bílinn hvort sem fólk vantar bíl innanlands eða erlendis.

Nánari upplýsingar má finna á vef Avis, Avis.is og í þjónustuveri Avis í síma 591 4000.