Laxá í Aðaldal: Átta laxar á sólríkum degi Trausti Hafliðason skrifar 21. júní 2012 06:00 Halla Bergþóra og Sveinbjörg Björnsdætur með lax sem þær veiddu neðan Æðarfossa í Laxá í Aðaldal í gærmorgun. Mynd / Jón Helgi Björnsson Átta laxar veiddust á sólríkum opnunardegi í Laxá í Aðaldal í gær. Fjórir komu á morgunvaktinni og fjórir á kvöldvaktinni. Jón Helgi Björnsson, á Laxamýri, sagði í samtali við Veiðivísi í gærkvöldi að fiskarnir hefðu verið fallegir, vel haldnir, feitir og flestir ef ekki allir lúsugir. Á morgunvaktinni var þó nokkuð líf, því auk þess að landa fjórum löxum settu veiðimenn í nokkra til viðbótar sem sluppu. "Systir mín setti í risafisk," segir Jón Helgi. "Þetta var ríflega 20 punda lax sem tók í Kistuhyl. Hann dró okkur á bátnum eins og þorska um allan hylinn en rétt þegar komið var að löndun slapp hann. Þeir eru mættir greinilega þessir stóru." Róbert Brink, ráðsmaður í veiðiheimilinu Vökuholti, sagði menn mjög sátta eftir daginn. Laxarnir á kvöldvaktinni hefðu allir komið á svæði þrjú en þar fyrir utan hafi svo sem ekki mikið verið að gerast um kvöldið. "Þetta var einkar sólríkur dagur og við myndum alveg þiggja smá dumbung og rigningu. Ekki vegna þess að vatnið á ánni sé eitthvað slæmt, það er alltaf gott, heldur er það bara betra veiðiveður," sagði Róbert. trausti@frettabladid.is Stangveiði Mest lesið Lokakvöld Kvennadeildar SVFR annað kvöld Veiði Veiði hafin í Veiðivötnum Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Gullfiskur í Elliðaánum Veiði Þrír á land á fyrstu vakt í Jöklu Veiði Eystri Rangá sýnir sínar bestu hliðar Veiði Elliðaárnar opnuðu með athöfn í morgun Veiði Mikið af laxi í Langá Veiði Veiðisvæðin kennd við ION opnuðu í gær Veiði
Átta laxar veiddust á sólríkum opnunardegi í Laxá í Aðaldal í gær. Fjórir komu á morgunvaktinni og fjórir á kvöldvaktinni. Jón Helgi Björnsson, á Laxamýri, sagði í samtali við Veiðivísi í gærkvöldi að fiskarnir hefðu verið fallegir, vel haldnir, feitir og flestir ef ekki allir lúsugir. Á morgunvaktinni var þó nokkuð líf, því auk þess að landa fjórum löxum settu veiðimenn í nokkra til viðbótar sem sluppu. "Systir mín setti í risafisk," segir Jón Helgi. "Þetta var ríflega 20 punda lax sem tók í Kistuhyl. Hann dró okkur á bátnum eins og þorska um allan hylinn en rétt þegar komið var að löndun slapp hann. Þeir eru mættir greinilega þessir stóru." Róbert Brink, ráðsmaður í veiðiheimilinu Vökuholti, sagði menn mjög sátta eftir daginn. Laxarnir á kvöldvaktinni hefðu allir komið á svæði þrjú en þar fyrir utan hafi svo sem ekki mikið verið að gerast um kvöldið. "Þetta var einkar sólríkur dagur og við myndum alveg þiggja smá dumbung og rigningu. Ekki vegna þess að vatnið á ánni sé eitthvað slæmt, það er alltaf gott, heldur er það bara betra veiðiveður," sagði Róbert. trausti@frettabladid.is
Stangveiði Mest lesið Lokakvöld Kvennadeildar SVFR annað kvöld Veiði Veiði hafin í Veiðivötnum Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Gullfiskur í Elliðaánum Veiði Þrír á land á fyrstu vakt í Jöklu Veiði Eystri Rangá sýnir sínar bestu hliðar Veiði Elliðaárnar opnuðu með athöfn í morgun Veiði Mikið af laxi í Langá Veiði Veiðisvæðin kennd við ION opnuðu í gær Veiði