Liggur á að leysa vanda Spánar

Það liggur á að leysa vandamál Spánar miðað við orð Jean-Claude Juncker, sem stýrir fundum fjármálaráðherra Evrópusambandsins (ESB). Talið er að stjórnvöld í Brussel og Þýskalandi vilji afgreiða vandamál Spánar fyrir þingkosningar sem fara fram í Grikklandi 17. júní næstkomandi.

Fjármálaráðherrarnir héldu í dag blaðamannafund til að ræða möguleika á neyðaraðstoð vegna spænskra banka. Fram hefur komið að Alþjóðagjaldeyrissjóðurinn telur bankakerfi Spánar þurfa á 6.500 milljarða króna innspýtingu að halda (40 milljarða evra). Fréttir herma að á fundi fjármálaráðherranna í dag hafi verið rætt um allt að 100 milljarða evra aðstoð (yfir 16 milljarða króna).

Ekkert verður af aðstoðinni nema stjórnvöld á Spáni óski formlega eftir henni. Það hefur enn ekki verið gert en menn búast við því að beiðnin verði sett fram innan tíðar.

Umfjöllun BBC um málið.