Hæstiréttur hafnar kröfu Samherja um að gögnum verði skilað

Hæstiréttur hefur hafnað kröfu Samherja um að gögnum sem haldlögð voru í húsleit Seðlabanka Íslands hjá fyrirtækinu verði skilað og að húsleitin sjálf verði úrskurðuð ógild.

Seðlabanki Íslands framkvæmdi húsleit á skrifstofum Samherja á Akureyri og í Reykjavík þann 27. mars sl. og var hald lagt á ýmis gögn. Tilefni húsleitarinnar var grunur um brot á lögum um gjaldeyrisviðskipti, einkum þegar kom að verðlagningu á fiski sem seldur var til dótturfélags Samherja í Þýskalandi.

Samherji kærði málið til héraðsdóms og krafðist þess að gögnunum yrði skilað og húsleitin dæmd ógild.

Sjá má dóm Hæstaréttar í málinu hér.