Hollande sigraði í fyrstu umferð frönsku forsetakosninganna

Francois Hollande forsetaefni Sósíalistaflokksins var sigurvegar í fyrri umferð forsetakosninganna í Frakklandi um helgina. Hann mun því etja kappi við Nicolas Sarkozy Frakklandsforseta í síðari umferðinni.

Hollande hlaut 28,6% atkvæða en Sarkozy rúmlega 27%. Þetta er nokkuð minni munur á þeim en skoðanakannanir gáfu til kynna fyrir kosningarnar þar sem Hollande hafði 3% forskot á Sarkozy.

Það var hinsvegar góður árangur Marine Le Pen, forsetaefnis Þjóðfylkingarinnar sem vakti mesta athygli en hún fékk yfir 18% atkvæða.

Íslandsvinurinn Eva Joly náði aðeins 2% atkvæða.