Hægri grænir kynna stefnumálin á Múlakaffi

Hægri grænir, flokkur fólksins, hefur opnað nýja heimasíðu og á morgun verður forysta flokksins og stefna hans kynnt á Múlakaffi. Formaður flokksins er Guðmundur Franklín Jónsson viðskiptafræðingur.

Á heimasíðunni segir að flokkurinn sé grænn borgaraflokkur. „Flokkur tíðarandans og raunsæisstjórnmála. Aðalbaráttumál flokksins eru eftirfarandi: Skuldaleiðréttingu heimilanna, 30% lækkun eldsneytis (bensín og dísel), lægra matvöruverði, lágum sköttum, beinu lýðræði, frelsi fjölmiðla og sem minnstum ríkisafskiptum. Við boðum einnig tollfrjálsan innflutning á öllum vistvænni farartækjum."