Lele Hardy valin best - Ingi Þór besti þjálfarinn

Körfuknattleikssambandið verðlaunaði í dag fyrir bestu frammistöðuna í umferðum 15 til 28 í Iceland Express deild kvenna. Njarðvíkingurinn Lele Hardy var kosin besti leikmaðurinn en Ingi Þór Steinþórsson, þjálfari Snæfells var valinn besti þjálfarinn.

Lele Hardy hefur farið á kostum með Njarðvíkurliðinu sem endaði í 2. sæti í deildarkeppninni og varð bikarmeistari. Hardy er með 24,8 stig og 18,7 fráköst að meðaltali í deildinni í vetur.

Undir stjórn Inga Þórs Steinþórssonar tryggðu Snæfellskonur sér sæti í úrslitakeppninni með góðum endaspretti og náðu um leið besta árangri kvennaliðs félagsins í efstu deild.

Verðlaunin fyrir 15. til 28. umferð í Iceland Express deild kvenna:

Úrvalsliðið:

Hildur Sigurðardóttir, Snæfelli

Pálína Gunnlaugsdóttir, Keflavík

Íris Sverrisdóttir, Haukum

Sigrún Sjöfn Ámundadóttir, KR

Lele Hardy, Njarðvík

Dugnaðarforkurinn:

Jence Ann Rhoads, Haukum

Besti þjálfarinn:

Ingi Þór Steinþórsson, Snæfelli

Besti leikmaðurinn:

Lele Hardy, Njarðvík