Aðskotahlutir í First Price salthnetum

Með hliðsjón af neytendavernd og í samráði við Heilbrigðiseftirlit Reykjavíkur þá hefur Kaupás hf tekið úr sölu First Price salthnetur í 250g umbúðum, varan hefur verið í sölu í verslunum Krónunnar, Nóatúns, Kjarvals & 11-11. Í öllum framantöldum verslunum hefur varan verið fjarlægð úr hillum verslana.

Innköllunin er vegna aðskotahlutar sem fannst í framangreindri vöru. Þetta kemur fram í tilkynningu frá heilbrigðiseftirlitinu.

Innköllunin á við um First Price salthnetur í 250 g umbúðum með best fyrir dagsetningu 20.11.2012 eingöngu. Viðskiptavinum sem keypt hafa ofangreinda vöru er bent á að þeir geta skilað henni í þeirri verslun sem hún var keypt og fengið endurgreiðslu á móti.