Varadómararnir eru líklega ekkert á förum strax

Enn þokast ekkert í launadeilu NFL-deildarinnar og dómara. Varadómarar dæmdu í fyrstu umferðinni og NFL hefur gert ráðstafanir til þess að halda þeim fyrstu fimm vikurnar.

Það verður seint sagt að varadómararnir hafi slegið í gegn því þeir gerðu urmul af mistökum og var lítil hamingja með þeirra þáttöku hjá liðunum.

Á meðan deilan er í hnút verða liðin að sætta sig við óbreytt ástand.

Það gerðist síðast árið 2001 að varadómarar þurftu að taka slaginn en þá dæmdu þeir aðeins fyrstu umferðina.