Viðskipti innlent

Formaður Sjálfstæðisflokksins segir fjárlagafrumvarpið óraunhæft

Lillý Valgerður Pétursdóttir skrifar
Fjárlagafrumvarpið er óraunhæft að mati formanns Sjálfstæðisflokksins. Hann segir ríkisstjórnina horfa fram hjá útgjaldaliðum, líkt og slæmri stöðu Íbúðalánasjóðs, til að fegra stöðuna. Þá sé enn og aftur verið að hækka skatta á atvinnulífið.

Bjarni Benediktsson formaður Sjálfstæðisflokksins segir að í nýju fjárlagafrumvarpi horfi ríkisstjórnin fram hjá útgjaldaliðum til að láta stöðu ríkissjóðs líta betur út.

Þetta sé gert til þess að fegra stöðu ríkissjóðs en það muni koma í bakið á okkur. „Ég nefni stöðu Íbúðalánasjóðs sérstaklega," segir Bjarni.

Þá segir Bjarni fjárlagafrumvarpið fela í sér skattahækkanir á fyrirtæki.

Þar nefnir Bjarni gistináttagjaldið, bílaleigur og skatta á orkufyrirtækin. Bjarni segir fjárlagafrumvarpið vera óraunhæft.

Það þurfi að fara að greiða niður skuldir og ótímabært sé að fara að tala fyrir auknum útgjöldum.


Tengdar fréttir

Ferðaskrifstofur um allan heim bíða upplýsinga frá Íslandi

Ferðaskrifstofur um heiminn sem eiga viðskipti við Íslands bíða nú eftir upplýsingum úr fjárlögum ríkisstjórnarinnar fyrir næsta ár. Óskað hefur verið eftir því að beðið verið með hækkun virðisaukaskatts í ferðaþjónustunni en þær eru sagðar kollvarpa áætlunum fyrir næsta ár.

Gistináttagjaldið verður hækkað

Virðisaukaskattur á gistingu verður 25,5% í stað 7% frá og með 1. maí 2013, samkvæmt fjárlagafrumvarpinu sem kynnt var fjölmiðlum í dag. Oddný Harðardóttir fjármálaráðherra kynnti frumvarpið fyrir fjölmiðlamönnum klukkan ellefu í morgun. Áætlað er að þetta skili ríkissjóði 2,6 milljörðum króna í viðbótartekjur á næsta ári.

SA segja ríkisstjórnina ögra fyrirtækjum og svíkja loforð

Fjárlagafrumvarpið fyrir árið 2013 sem kynnt var í dag er ögrun við fyrirtækin í landinu og starfsfólk þeirra, segja Samtök atvinnulífsins. Á vef þeirra segir að ætlunin sé að hækka tryggingagjald þannig að fyrirtækin fá ekki að njóta lækkaðra útgjalda til atvinnuleysistrygginga eins og gert hafi verið ráð fyrir við gerð kjarasamninga vorið 2011. Þannig sé ráðist að forsendum kjarasamninga og möguleikum fyrirtækjanna að standa við þá án þess að hækka verðlag. Skýrt kom fram þegar samningarnir voru kynntir að gert var ráð fyrir að tryggingargjaldið yrði lækkað í takt við minnkandi atvinnuleysi. Við fyrstu sýn virðist sem lækkunin ætti að nema a.m.k. 0,5% 2013.

Fjármálaráðherra: Ríkið er að sigla örugglega út úr kreppunni

Fjármálaráðherra vill hækka barnabætur, lengja fæðingarorlofið og stendur við átján prósenta hækkun virðisaukaskatts á gistingu. Þetta er meðal þess sem hún kynnti í nýjum fjárlögum sem hún segir að megi líta á sem kosningafjárlagafrumvarp. Hún segir ríkið vera að sigla örugglega út úr kreppunni.



Mest lesið


Fleiri fréttir

Sjá meira


×

Mest lesið