Krónan hefur veikst um 3,2% frá áramótum

Krónan hefur veikst um 3,21% frá áramótum. Veiking gagnvart helstu myntum er mjög misjöfn, mest á móti japönsku jeni eða 8,38%, en veiking krónunnar gagnvart öðrum helstu myntum er að mestu á bilinu 2-4 %. Hinsvegar hefur krónan styrkst um 0,7% á móti Kanadadollar.

Þetta kemur fram í Markaðsfréttum Íslenskra verðbréfa. Þar segir að ljóst sé að Seðlabanka Íslands hefur tekist nokkuð vel með að halda genginu stöðugu með núverandi gjaldeyrishöftum. Hinsvegar munu höftin, því lengur sem þau vara, leiða til þess að áhugi aðila á að fara framhjá þeim eykst. Gerist það mun um leið draga úr innflæði gjaldeyris.