Eignir lífeyrissjóða nálgast 2.000 milljarða

Hrein eign lífeyrissjóða hér á landi var 1.965 milljarðar kr. í lok mars. Hún jókst um 16,2 milljarða kr. í mánuðinum eða um 0,8%, samkvæmt tölum sem Seðlabanki Íslands hefur birt.

Innlend verðbréfaeign hækkaði um 19 milljarða kr. og nam rúmlega 1.393 milljörðum kr. í lok mánaðarins.

Erlend verðbréfaeign nam um 483 milljörðum kr. í lok mars og lækkaði því um 4 milljarða kr. frá fyrri mánuði. Sjóður og bankainnstæður hækkuðu hins vegar um rúma 1,5 milljarða kr. á milli mánaða.