Fótboltamaður og fegurðardrottning - á föstu á Facebook

Ein helsta von okkar Íslendinga í knattspyrnuheiminum, Gylfi Þór Sigurðsson, er kominn í samband. Sú heppna heitir Alexanda Helga Ívarsdóttir sem hlaut nafnbótina Ungfrú Ísland árið 2008. Gylfi hefur heldur betur farið vel af stað í þýska boltanum en hann er markahæsti leikmaður Hoffenheim á tímabilinu.

Gylfi var keyptur frá Reading á Englandi fyrir þetta tímabil og var kaupverðið um einn milljarður íslenskra króna. Gylfi þénar einnig ágætlega í þýska boltanum en talið er að hann sé með um 30.000 evrur á vikur eða hátt í fimm milljónir íslenskra króna.

Alexandra starfar sem flugfreyja og hefur verið að fljúga í Dubai upp á síðkastið. Nokkuð er síðan þau fóru að slá sér upp en nú hafa þau tekið skrefið til fulls, og eru komin í samband á Facebook.