Met sett í útflutningi sjávarafurða

Met var sett í útflutningi sjávarafurða frá landinu í september en útflutningurinn nam 28,6 milljörðum króna og hefur aldrei verið meiri í krónum talið. Það er þessum útflutningi að þakka hve myndarlegur afgangur varð á vöruskiptajöfnuðinum í september en hann nam 15.5 milljörðum króna.

Fjallað er um málið í Morgunkorni greiningar Íslandsbanka. Þar segir að verðþróun á sjávarafurðum hafi verið hagstæð undanfarið ár, en einnig virðist sem óvenju mikið af birgðum frá því fyrr á árinu hafi verið fluttar út í mánuðinum.