Dregið verði úr verðtryggingaráhættu

Ákveðið hefur verið að ríkissjóður kaupi til baka óverðtryggð bréf af Íbúðalánasjóði (ÍLS) að andvirði 32,5 milljarðar króna að nafnverði. Á móti afhendir ríkissjóður verðtryggð bréf fyrir 31,62 milljarða króna, að því er segir í tilkynningu.

Aðgerðin felur í sér að eiginfjárframlag ríkissjóðs inn í Íbúðalánasjóð breytist úr því að vera óverðtryggt yfir í það að vera verðtryggt. Markmiðið með aðgerðinni er að draga úr verðtryggingaráhættu Íbúðalánasjóðs en megnið af skuldbindingum hans eru verðtryggðar. Aðgerðin mun hafa óveruleg áhrif á skuldastöðu ríkissjóðs, segir í tilkynningu ÍLS sem birt er á vefsíðu sjóðsins.