Íslenska kvennaliðið í B-riðil

Íslenska kvennalandsliðið í golfi hafnaði í 14. sæti á Evrópumóti landsliða en mótið fer fram í Austurríki. Liðið fer því í B-riðil.

20 þjóðir taka þátt. Efstu átta fara í A-riðil, næsta átta í B og síðustu fjögur í C-riðil.

Ólafía Þórunn Kristinsdóttir lék best í íslenska liðinu í dag en hún kom í hús á 71 höggi eða einu högi undir pari.

Fyrstu tvo dagana var spilaðir höggleikur. Næstu daga verður spiluð holukeppni.

Höggleikurinn hjá íslenska liðinu:

Guðrún Brá Björgvinsdóttir  76-77

Ólafía Þórunn Kristinsdóttir  77-71

Valdís Þóra Jónsdóttir  78-74

Signý Arnórsdóttir  76-73

Tinna Jóhannsdóttir 72-74

Sunna Víðisdóttir  82-78