Besiktas vill fá Odom

Tyrkneska liðið Besiktas er þegar búið að landa Deron Williams, leikmanni NJ Nets, og félagið vill núna fá Lamar Odom, leikmann LA Lakers.

Besiktas vildi einnig fá Kevin Love, leikmann Minnesota, en hann hafnaði tilboði frá félaginu.

Tyrkneska liðið hefur verið á fullri siglingu að ná sér í annan NBA-leikmann og hefur áður verið í sambandi við Luol Deng og Carlos Boozer.

Williams átti stórleik fyrir Besiktas í Euroleague í gær er hann skoraði 50 stig gegn þýska liðinu Göttingen.