Viðskipti innlent

Landsvirkjun selur Íslenska kísilfélaginu 35 MW af orku

Landsvirkjun og Íslenska kísilfélagið ehf., sem er í meirihlutaeigu bandaríska fyrirtækisins Globe Speciality Metals, hafa undirritað raforkusölusamning um kaup á 35 MW orku frá Landsvirkjun. Íslenska kísilfélagið hyggst reisa 40.000 tonna kísilmálmverksmiðju í Helguvík á Suðurnesjum.

Í tilkynningu segir að gert er ráð fyrir að verksmiðjan verði tekin í notkun um mitt ár 2013. Raforkuþörf verksmiðjunnar er 65 MW og mun Landsvirkjun fyrst um sinn útvega verksmiðjunni 35 MW og HS Orka 30 MW. Í samningnum er gert ráð fyrir að Landsvirkjun sinni allri raforkuþörf verksmiðjunnar frá 1. janúar 2016.

Hörður Arnarson forstjóri Landsvirkjunar segir samninginn marka ákveðin tímamót: „Hjá Landsvirkjun höfum við stefnt að því að auka fjölbreytileika á meðal orkukaupenda og ber samningurinn vitni um árangur þess starfs. Hér er um að ræða nýja iðngrein, magn sem hæfir orkuframboði nú um stundir og iðnað sem greiðir hærra verð en fyrir þekkist á íslenska markaðnum. Hér er um grunniðnað að ræða en að okkar mati felast áhugaverðir vaxtar­möguleikar í tengdri og afleiddri starfsemi, til dæmis hreinsun á kísilmálmi," segir Hörður í tilkynningunni.

Samningur Landsvirkjunar og Íslenska kísilfélagsins er gerður í Evrum og er til átján ára með föstum raunhækkunum sem koma til framkvæmda á samningstímanum. Samkvæmt ákvæðum í samningnum er samningsaðilum ekki heimilt að gefa upp verð samningsins að svo stöddu.

Samningurinn er undirritaður með hefðbundnum fyrirvörum, meðal annars samþykki stjórna beggja félaganna auk fyrirvara frá Íslenska kísilfélaginu ehf. um lúkningu á öðrum samningum til þess að hægt sé að ljúka við verkefnið. Gert er ráð fyrir að búið verði að uppfylla alla fyrirvara fyrir 15. júní næstkomandi.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
3,42
21
135.663
SIMINN
1,67
12
209.936
ARION
1,04
10
426.836
MAREL
0,97
39
480.637
VIS
0,93
1
21

Mesta lækkun dagsins


Félag
Br.%
Fjöldi
Velta*
EIM
-1,75
3
23.760
SKEL
-0,71
2
2.562
BRIM
-0,68
4
1.547
REGINN
-0,68
1
17.161
SVN
-0,22
3
598
Velkomin á Vísi. Þessi vefur notar vafrakökur. Sjá nánar.