Allir eins í okkar augum

„Við erum ekki bara að selja bensín hjá Olís heldur sinnum við miklu fleiru,“ segir Hjalti Þór Halldórsson, sölumaður hjá Olís. „Það vita það kannski fáir en við bjóðum meðal annars heildarlausnir til handa fyrirtækjum og stofnunum varðandi hreingerningar. Við útvegum öll hreinsiefni, salernis- og eldhúsrúllur, plastpoka og allt sem þarf í daglegan rekstur. Þá útvegum við opinberum stofnunum, svo sem skólum, vörur til hreingerninga,“ segir Hjalti.

Einnig er Olís birgir fyrir ræstingafyrirtæki og flytur beint inn hreingerningavörur, meðal annars frá Kimberly Clark og Abena.

„Við höfum alltaf flutt inn allar okkar vörur og áttum því auðveldara en mörg önnur fyrirtæki með að standa undir innflutningi þegar kreppan hófst en eftir hana jóskt innflutningur hjá okkur frekar en hitt. Við fórum að leggja áherslu á hreingerninga- og rekstrarvörur fyrir um það bil tíu árum og nú er þetta stór þáttur í okkar rekstri og fer vaxandi. Olís hefur einnig þjónustað bæjarfélög úti um allt land í fjölda ára og í gegnum umboð okkar er auðvelt að senda vörurnar út á land og fyrirtækin geta nálgast þau á þjónustustöðvum Olís. Við byggjum á áratuga reynslu og trausti viðskiptavina um allt land enda fyrirtækið með langa sögu,“ segir Hjalti, en Olís var stofnað árið 1927.

Auk þess að selja vörur til hreingerninga veitir Olís fyrirtækjum ráðgjöf við gerð þrifáætlana. „Við þjónustum veitingastaði og eldhús. Olís er til að mynda mjög öflugt í sjávarútveginum en við bjóðum mjög persónulega þjónustu fyrir frystihúsin. Þá mætum við á staðinn og gerum úttekt á svæðinu sem á að þrífa og tökum af því myndir. Svo er unnin þrifáætlun um það hvernig á að þrifa viðkomandi svæði og með hvaða efnum og svo framvegis. Þar sem matvælaframleiðsla fer fram þurfa þrif að vera í samræmi við heilbrigðisstaðla og allar merkingar þurfa að vera í lagi. Staðlarnir eru háir og okkur hefur gengið mjög vel að sinna þessu enda starfsfólkið fyrsta flokks,“ segir Hjalti og bætir við að Olís þjónusti allar stærðir fyrirtækja og stofnana.

„Það eru allir eins í okkar augum.“