Hvað er að gerast í kvöld? Hér er listi yfir nokkra skothelda tónleika á næstu dögum.

Í kvöld:

Hljómsveitin Reykjavík! heldur útgáfutónleika á KEX hosteli klukkan 21. Miðasala fer fram á Midi.is. FM Belfast kemur fram eftir Reykjavík!

Á morgun:

Hljómsveitin Kiriyama Family kemur fram á Faktorý. Húsið opnar klukkan 21.30 og einn heppinn gestur vinnur allan aðgangseyri tónleikanna.

Ekki á morgun heldur hinn:

Meistari Mugison kemur fram í Sjóræningjahúsinu á Patró klukkan 21. Kappinn kannast við sig fyrir vestan, en eins og alþjóð veit bjó hann um árabil í Súðavík. Hann gaf út plötuna Haglél á dögunum og hefur hreinlega mokað út eintökum. Miðar á tónleikana fást á Midi.is.