Goodyear er flaggskipið okkar

Klettur - sala og þjónusta ehf. er nýlegt fyrirtæki sem byggir á gömlum grunni. Klettur er til húsa í Klettagörðum 8 við Sundahöfn og er stór heildsali á dekkjum fyrir fólksbíla, jeppa, sendibíla, vörubíla, vinnuvélar og mótorhjól auk þess að reka glæsilega dekkjaþjónustu fyrir minni fólksbíla og stærstu gerðir vörubíla.

Aðalvörumerki Kletts í hjólbörðum eru Goodyear og Dunlop en þau merki hafa yfir 100 ára reynslu í framleiðslu á hjólbörðum. Mikið úrval er af bæði negldum og ónegldum dekkjum. Goodyear er flaggskip fyrirtækisins en önnur merki sem það er með eru:Winterforce sem eru kanadísk dekk en þau hafa verið gríðarlega vinsæl undir óbreytta jeppa og jepplinga. Winterforce-dekkin henta afar vel við íslenskar aðstæður og eru fáanleg bæði negld og ónegld á góðu verði.

Kelly og Fulda eru undirmerki frá Goodyear framleidd í Evrópu á góðu verði. Þessi vörumerki eru mjög sterk og hafa verið lengi á dekkjamarkaðinum.

Minerva er síðan í ódýrasta flokknum, en þau eru flipaskorin og hægt að fá þau bæði negld og ónegld.

Goodyear UltraGrip hámarkar veggripið við veginn, árangur UltraGrip Ice+ við erfiðustu vetraraðstæður hefur sýnt sig og sannað. Það er ekki einungis 8 prósentum betri árangur en sambærileg dekk hafa heldur er hönnun vetrardekkjanna hljóðlátari og betri í aksturseiginleikum. Við hugsum um öryggi þitt með nýrri tækni svo þú þarft aðeins að einbeita þér að akstrinum.

Klettur sér m.a. um að þjónusta bílaumboðin Heklu og Öskju með hjólbarða. Einnig var nýlega undirritaður samstarfssamningur við Toyota um alla hjólbarðaþjónustu. Klettur er einnig með áralanga reynslu í að þjónusta atvinnugeirann, bæði vörubíla og vinnuvélar.

Gott aðgengi er að upplýsingum um dekk á heimasíðu Kletts. www.klettur.is.

Starfsmenn Kletts reyna að vera leiðbeinandi og leggja ríka áherslu á góða þjónustu og að geta aðstoðað viðskiptavininn fljótt og vel.