Tíminn er núna Haukur Viðar Alfreðsson skrifar 19. október 2011 21:00 Bíó. Midnight in Paris. Leikstjórn: Woody Allen. Aðalhlutverk: Owen Wilson, Rachel McAdams, Marion Cotillard, Kathy Bates, Adrien Brody, Corey Stoll, Michael Sheen, Carla Bruni, Léa Seydoux. Rithöfundurinn Gil Pender er staddur í París ásamt grunnhygginni tilvonandi eiginkonu sinni, íhaldssömum tengdaforeldrum og óþolandi vinapari. Enginn skrifar leiðinlegar persónur jafn skemmtilega og Woody Allen og áhorfandinn deilir stigvaxandi gremjunni með rithöfundinum. Óútskýranleg öfl verða síðan þess valdandi að hann kemst í beina tengingu við alla sína uppáhaldsrithöfunda, sem og aðra listamenn sem ólu manninn í París fyrr á öldum. Það er ekki nauðsynlegt að vera óforbetranlegur listasnobbari til að hlæja að Midnight in Paris. Yfirborðsþekkingin nægir, en eflaust eykst kátínan í beinu samhengi við það hversu vel áhorfandinn er að sér um Hemingway, Buñuel og Picasso. Midnight in Paris minnir um margt á The Purple Rose of Cairo, mynd Allens frá árinu 1985, en þar blandaði hann saman fyndinni ástarsögu og yfirnáttúru. Ástarsagan hér er falleg en um leið dapurleg. Öll höfum við hugsað til horfinna tíma með blik í auga og fundist sem nútíminn sé ómerkilegur og óspennandi í samanburðinum. Woody gamli veltir þessum hneigðum okkar fram og til baka og kemst að þeirri niðurstöðu að nútíminn sé ávallt bestur. Þó það nú væri, því hann á sér stað núna. Og einmitt núna er ný mynd eftir Woody Allen í bíó. Drífðu þig! Niðurstaða: Besta mynd Woody Allen síðan Match Point kom út. Mest lesið Ætlaði aldrei að enda í herskóla í Bandaríkjunum Lífið „Ég er búin að fæða þrjú börn en þetta er versta sem ég hef upplifað“ Lífið Þakka aðdáendum fyrir að hafa fjármagnað nýja húsið Lífið „Ye mátti þola versnandi andlega heilsu vegna gjörða þinna“ Lífið Með höfuðið rétt skrúfað á og gleyma aldrei hjálminum Lífið Verðmiðinn hækkar á höll Antons Lífið Forstjórabaninn fær söngleik á fjalirnar Lífið Batinn á vefjagigt kom úr óvæntri átt Lífið samstarf Fréttatía vikunnar: Rafmagnsleysi, njósnir og SFS Lífið BAUHAUS býður þér í glæsilega afmælisveislu! Lífið samstarf Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Bíó. Midnight in Paris. Leikstjórn: Woody Allen. Aðalhlutverk: Owen Wilson, Rachel McAdams, Marion Cotillard, Kathy Bates, Adrien Brody, Corey Stoll, Michael Sheen, Carla Bruni, Léa Seydoux. Rithöfundurinn Gil Pender er staddur í París ásamt grunnhygginni tilvonandi eiginkonu sinni, íhaldssömum tengdaforeldrum og óþolandi vinapari. Enginn skrifar leiðinlegar persónur jafn skemmtilega og Woody Allen og áhorfandinn deilir stigvaxandi gremjunni með rithöfundinum. Óútskýranleg öfl verða síðan þess valdandi að hann kemst í beina tengingu við alla sína uppáhaldsrithöfunda, sem og aðra listamenn sem ólu manninn í París fyrr á öldum. Það er ekki nauðsynlegt að vera óforbetranlegur listasnobbari til að hlæja að Midnight in Paris. Yfirborðsþekkingin nægir, en eflaust eykst kátínan í beinu samhengi við það hversu vel áhorfandinn er að sér um Hemingway, Buñuel og Picasso. Midnight in Paris minnir um margt á The Purple Rose of Cairo, mynd Allens frá árinu 1985, en þar blandaði hann saman fyndinni ástarsögu og yfirnáttúru. Ástarsagan hér er falleg en um leið dapurleg. Öll höfum við hugsað til horfinna tíma með blik í auga og fundist sem nútíminn sé ómerkilegur og óspennandi í samanburðinum. Woody gamli veltir þessum hneigðum okkar fram og til baka og kemst að þeirri niðurstöðu að nútíminn sé ávallt bestur. Þó það nú væri, því hann á sér stað núna. Og einmitt núna er ný mynd eftir Woody Allen í bíó. Drífðu þig! Niðurstaða: Besta mynd Woody Allen síðan Match Point kom út.
Mest lesið Ætlaði aldrei að enda í herskóla í Bandaríkjunum Lífið „Ég er búin að fæða þrjú börn en þetta er versta sem ég hef upplifað“ Lífið Þakka aðdáendum fyrir að hafa fjármagnað nýja húsið Lífið „Ye mátti þola versnandi andlega heilsu vegna gjörða þinna“ Lífið Með höfuðið rétt skrúfað á og gleyma aldrei hjálminum Lífið Verðmiðinn hækkar á höll Antons Lífið Forstjórabaninn fær söngleik á fjalirnar Lífið Batinn á vefjagigt kom úr óvæntri átt Lífið samstarf Fréttatía vikunnar: Rafmagnsleysi, njósnir og SFS Lífið BAUHAUS býður þér í glæsilega afmælisveislu! Lífið samstarf Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira