Félag Hreiðars Más skuldar tæpa sjö milljarða

Einkahlutafélag Hreiðars Más Sigurðssonar, fyrrverandi bankastjóra Kaupþings, hefur verið lýst gjaldþrota. Félagið hélt utan um hlutafjáreign bankastjórans fyrrverandi í hlutabréfum bankans.

Samkvæmt ársuppgjöri 2009 átti félagið hlutabréf í Kaupþingi fyrir tæpan 6,1 milljarð króna, bréf í Exista fyrir tæpar 135 milljónir og hlut upp á 260 milljónir í Kaupthing Capital Partners. Öll hlutabréfin, sem nú eru verðlaus, voru lögð að veði gegn 6,5 milljarða króna láni sem var á gjalddaga í ár. Á sama tíma var eigið féð neikvætt um tæpar 7.900 milljónir.- jab