Heildarvirði útgreiðslunnar 432 milljarðar króna

Heildarvirði útgreiðslunnar úr þrotabúi Landsbankans er um 432 milljarðar króna, miðað við gengisvísitölu krónunnar gagnvart erlendum myntum 22. apríl 2009. Það er sú dagsetning sem miðað er við þegar kemur að kröfum í bú bankans. Nú þegar eru tiltækar rúmlega 430 milljarðar króna í lausu fé, eins og áður sagði.

Laust fé bankans skiptist í 740 milljónir punda, 1.110 milljónir evra, 710 milljónir dollara og 10 milljarða króna, að því er fram kom á blaðamannafundi slitastjórnar og skilanefndar Landsbankans.