Greitt út í þeim myntum sem til eru

Greitt verður út úr þrotabúi Landsbankans í þeim myntum sem tiltækar eru á reikningum bankans. Þetta kom fram á blaðamannafundi slitastjórnar og skilanefndar Landsbankans sem nú stendur yfir á Hilton Hótel Nordica. Inn á reikningum bankans eru evrur, dollara, pund og krónur.

Áætlað er að greiddar verða 30% af samþykktum forgangskröfum en búið er að samþykkja kröfur fyrir tæplega 3.000 milljarða króna. Þar af eru 1.323 milljarðar króna forgangskröfur, flestar vegna innstæðna á Icesave innstæðureikningunum. Slitastjórnin hefur hafnað kröfum fyrir 3.150 milljarða króna.